大棋局：中國審判日（一） - Mr. Tregunter

■人民幣要保持?價，樓冇可能咁貴；要保持樓價，人民幣冇可能咁高。　資料圖片

2016年10月1日，人民幣正式納入SDR權重，標誌?中國晉身為國際五大貨幣俱樂部成員之一。另一方面，中國樓市被認為迎來最後的瘋狂。為?買樓?人們破門而入，排隊買樓?人如滔滔江水連綿不絕，深圳樓價爆升至僅次於美國矽谷。但要保持?價，樓冇可能咁貴；要保持樓價，人民幣冇可能咁高。就好似林志玲同侯佩岑兩個只能選擇一個，你會揀邊個？

資產價同?價如搖搖板兩面，資產價貴但?價平，?外資眼中資產價就唔算貴。津巴布韋一條麵包10億津幣，嘩好貴，但或只能兌換成一美元，咁就唔貴。所以中國樓市就算炒到上天花板，只要人民幣劈價，在外資睇?中國樓市就唔係貴，唔係瘋狂。

然而，中國出盡飲奶之力將人民幣推入SDR，躋身國際貨幣地位，如果話畀人聽人民幣將會大跌，邊個傻佬會用現價買入人民幣做儲備？若人民幣冇得跌，中國樓價就係貴，就係瘋狂。

中國樓市點貴法？好多人話一線城市貴?，二三線城市好平。從大數睇，美國次按爆煲前，美國物業總市值係美國GDP 180%；九十年代日本土地價格不滅神話爆破前，日本物業總市值係日本GDP 400%；中國2015年物業總市值係GDP 340%。2016年未知，但極大可能佔比更高。香港因為1983年實行聯繫?率1美元兌7.8港元，所以香港人近30年記憶都係貨幣穩定。若非炒外?或做出入口生意，對?率敏感度唔會高。但內地人唔同，內地人經歷過金圓券、銀圓券、蘇維埃幣、94年人民幣插四成，?率敏感度比香港人高。內地人瘋狂買樓，係要對沖人民幣貶值?風險。

中國?如意算盤係，人民幣納入SDR後各國買人民幣作為儲備，人民幣?價就硬；當全世界?到成手人民幣後，有錢冇碇使走?中國買資產，中國資產價就挺。即係林志玲我要侯佩岑我又要，有冇咁?數？

（待續）

Mr. Tregunter

本欄逢周二刊出

Source from appledaily.com