樓市出更：商場割舖平租谷唔旺
【太陽報專訊】近年有唔少商場割舖?出?賣，售價細都幾受街坊投資者歡迎。但每個割場項目至少百幾個舖位，搵租客都唔係咁易，雖然部分業主願以低廉?租金吸客，開業率依然奇低。開業逾一年?荃灣地皇廣場，月租入場費低至3,200元，但依家只有唔夠三成舖位開業，部分更因商戶開舖情況未如理想，被管業處指違反副公契要求改善，有街坊同劉Sir講，相信有區內居民唔知道有呢個商場存在。
多年前政府推出辣招稅，但就未有對商用物業落藥，所以呢類物業就吸引到?投資者，好似?一二年底由資深投資者尹柏權拆售?荃灣大河道地皇廣場，提供共逾230個商場舖位，當時每個售價約246萬至738萬元，大業主仲提供首兩年5厘租金回報。
持續吉舖 或違公契
呢個項目一如市場其他割舖一樣，買入舖位?業主要以低廉租金吸客，月租入場費僅約3,200元，但入伙逾一年，商場一至三樓各層仍遍布吉舖。據市場講，依家各層都有交吉舖放租，每個實用面積約30至50方呎，月租只約3,200至5,000元，呎租96至125元，其中一樓有個單號舖位，實用面積約40方呎，月租約5,000元。由於個商場舖位開業率奇低，商場管業處?月前發出公告話，商戶開舖率未如理想，若果狀況持續，將違反副公契條款。
理想城市企業估值部主管張聖典話，雖然開舖率低或者有機會違反公契條款，但商場大業主對於未有開舖?個別業主或租戶，並無任何實際方法可以懲x或限制，根本吹佢地唔脹，而且大廈公契作用僅僅係定下規矩，告知業主需要遵守同唔容許作出?事項，對租戶未能起作用。
近傍晚人流仍疏落
睇番個場，1至3樓共有逾230個舖位，劉Sir早排下午四時幾去過商場，發現1同2樓都有約20個商戶開業，而3樓就有約23名商戶開業，商戶有蛋糕店、首飾、化妝品店、美甲店及手機配件等，若果以咁樣計算，開舖率唔夠30%。
聽有租戶講，商場人流極少，加上租金只係數千元，有租戶同業主寧願選擇唔開舖，避免其他開支。
睇番當日下午五時，地下商場入口，十分鐘只得12人行入商場，平均每分鐘約1.2人，而距離商場門口唔夠十米?馬路，每次綠燈過馬路，亦至少有50至60人。
地皇廣場內現時不足三成舖位開業。
商戶心聲
LinkWithin
