笑到最後：　究竟股災會衰邊瓣 - 高明

■香港現時情況，本地消費仲撐得起。　資料圖片

上期講到，樓市一差，政府會提你，例如公務員凍薪同推出助人買樓?政策，到時就已經係差到政府都睇淡，即係離見底不遠，長?贏面99%，只欠誘因挾起個市。

同樣道理，要個市突然間撥落去，一定要有誘因，否則現時市況，高明打死唔信會好壞，因為：1.任何繁忙時間，停車場時租都極難搵位，部份公立月租停車場每個月有一日要排通宵等車位，其他私家月租車場越租越滿，經濟差唔係咁；2.你試下情人節或者母親節唔訂?去一間?氣氛?餐廳做walk-in客？

香港現時情況，只係「自由行」?香港齋行冇幫襯，本地消費香港人仲撐得起，至於咩誘因造?個市？

一、疫症。據政府所講，中國人在港周街屙屎，港人要包容。政府連周街屙屎都接受到，即係整個醫療體制已經忘記?沙士?教訓，中國一旦再爆乜爆物，好快傳到香港。加上香港民心已經回歸，周街噴已經係大勢所趨，戴口罩係沉默少數，中國如有疫症，香港人一定可以分享中國人?光榮。

二、中式金融危機。08年金融海嘯震央?美帝，香港影響有限。如果下一浪?中國，肯定影響大好多。不過，高明唔太信中國會出現金融危機，因為中國會用盡辦法去債?債，將問題一直拖後，所以出現迷失幾十年機會較大。

三、核災。台山核電廠零件測試有安全問題，合資?中廣核集團子公司中廣核（1816）股東會後被記者追問冇回應，首先相信子公司條𡃁根本唔知發生咩事。

不過，就算搵佢老闆出?都唔會講?，而將來就算出?事，亦都唔會出聲。有災害唔公佈，係會令危機加劇，大家估估?，仲易人踩人。至於發生機會率，高明希望係零，因為有核災就唔止經濟危機咁簡單。

高明

http://www.fb.com/bigricetea

本欄逢周一刊出

Source from appledaily.com